Jón Dan

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

6.5.2009

| Senda | Senda á fésbók

Björn Þorri á að fá flýtimeðferð

Björn Þorri Viktorsson lögmaður undirbýr nú nokkur prófmál bæði varðandi forsendubrest verðtryggðra lána og möguleg lögbrot bankanna þegar þeir veittu svokölluð myntkörfulán. Niðurstöður þessara málaferla gætu lækkað raunvirði lánasafna bankanna um hundruð milljarða. Niðurstaða þyrfti að liggja fyrir áður en endanlega er gengið frá kaupum nýju bankanna á þessum lánum.

Mögulegur forsendubrestur byggir á þeirri staðreynd að höfuðstóll verðtryggðra lána hækkaði í verðbólguskotinu margfalt á við það sem nokkurn lántakanada gat órað fyrir. Auðvitað er ekki er víst að dómstólar verði Birni Þorra sammála. En víst má telja að prófmál verði höfðað og þar til Hæstiréttur hefur skorið úr, ríkir sem sagt óvissa um niðurstöðuna.

Hér getur verið um stórar fjárhæðir að tefla. Tökum sem dæmi að niðurstaða Hæstaréttar yrði á þá leið að af 20% verðbólguskoti teldist helmingurinn vera yfir því sem lántakandur gátu í allra mesta lagi átt von á og því dæmdist rétt vera að höfuðstóll verðtryggðra lána yrði lækkaður um 10%. Seðlabankinn hefur reiknað út að 20% niðurfærsla íbúðalána kosti 285 milljarða. 10% niðurfærsla myndi þá kosta rúma 140 milljarða.

Og þetta er aldeilis ekki allt og sumt. Íbúðalán eru ekki einu verðtryggðu lánin í landinu. Fjárfestingarlán til fyrirtækja eru líka verðtryggð og myndu í samræmi við dóm líka lækka um 10%. Af þeim 140 milljörðum sem íbúðalánin lækkuðu myndi vissulega stór hluti lenda á Íbúðalánasjóði. En fyrirtækjalánin eru öll hjá bönkunum. Ekki hef ég hugmynd um hversu há þessi lán eru, en þau eru örugglega mikil að vöxtum. Enn er ekki endanlega búið að ganga frá því á hvaða verði nýju bankarnir kaupa öll þess lán af þeim gömlu og það skiptir auðvitað höfuðmáli að þau séu ekki keypt á of háu verði.

Myntkörfulánin kynnu a.m.k. sum að reynast ólögleg vegna þess að þau voru í rauninni veitt í íslenskum krónum, en ekki erlendri mynt. Hér er heildarupphæðin auðvitað mun lægri, en gæti þó munað um hana.

Ef gengið verður frá kaupum nýju bankanna á öllum þessum lánum og raungildi þeirra síðar lækkað til muna með dómi, gætu hundruð milljarða lent alveg óvænt á nýju bönkunum og þar með ríkinu. Þess vegna ættu þessi málaferli að hefjast strax og fá sérstaka flýtimeðferð.

Skrá athugasemd

Til baka