Jón Dan

JonDan.is

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

7.11.2009

Stórveldið Norður-Atlantis

Til mín kom pípulagningamaður um daginn og lagfærði vatnskrana í handlaug og baðkeri. Þetta telst varla til tíðinda og ekki heldur að ég skyldi standa yfir honum á meðan, bjóða honum kaffi og spjalla. Að pípulagningamenn hugsi sjálfir ættu heldur ekki að vera nein stórtíðindi. En hugsunin þótti mér hins vegar afar merkileg.

Píparanum þótti umræðan um ESB fremur ómerkileg. Hann var sjálfur búinn að úthugsa aðra og miklu betri lausn. Hann vill sameina Noreg, Færeyjar, Ísland og Grænland í eitt ríki og bendir á að þetta ríki yrði óhjákvæmilega mikið stórveldi á norðurslóðum.

Merkileg hugmynd sem hefur margt til síns ágætis. Við getum til að byrja með kallað það ?Norður-Atlantis?. Þetta ríki ætti tilkall til stórs hluta af norðurpólsvæðinu. Fiskistofnar í Norður-Atlantshafi yrðu sameign og ekki þyrfti að semja við ESB um neitt nema makríl.

Norðmenn munar ekkert um að veita eyríkjunum aðild að olíusjóðnum og hann á eftir að stækka til muna, þegar farið verður að dæla upp olíu við Grænland og kannski Ísland og Færeyjar líka.

Á hinn bóginn slær mann strax sú hugsun að þar með væru Íslendingar, Grænlendingar og Færeyingar að fórna sjálfstæði sínu til Noregs.

Er það svo? Ísland yrði ?sjálfstætt? fylki í þessu nýja ríki. Hvað ef við gerum Þórshöfn í Færeyjum að höfuðborg? Breytir það kannski einhverju?

Ég hef svo sem ekki gert upp hug minn að öðru leyti en því að mér finnst humyndin snjöll. Að auki sannar hún hið einfalda: Það þarf enga háskólamenntun til að hugsa sjálfstætt.

Hvernig væri að kjósa svo sem einn alveg óþekktan pípara á stjórnlagaþing?

4 athugasemdir

Skrá athugasemd

07.11.09 22:54

Teitur Atlason

Þetta er vitlausasta hugmynd sem ég hef heyrt.

07.11.09 23:22

Jón Dan

Takk, Teitur. Hvort hugmyndin er góð eða slæm finnst mér ekki meginmálið. Hitt er mikilvægara að hún er ný og upphugsuð fyrir utan "boxið". Við eigum að taka mark á hugmyndum og skoða þær. Mér er sama hvaðan gott kemur.

28.11.09 04:06

Jón Frímann

Þetta er vitlaus hugmynd, sérstaklega fyrir þá staðreynd að þá væru íslendingar að gefa sjálfstæðið uppá bátinn og heildaríbúafjöldi þeasa ríkjasambands ekki nema rétt rúmlega 4.8 milljónir, sem telst vera smáþjóð innan Evrópu. Innan þessa sambands yrðu langflestir íbúar í Noregi, eða eitthvað um 99%. Enda búa bara 50.000 manns á Grænland, og önnur 50.000 manns í Færeyjum, og síðan eru íslendingar með sín 319.000 manns.Íbúatalan innan ESB samstarfsins er rúmlega 497 milljónir í dag, og reikna má með að hún stækki um rúmlega 100 milljónir á næstu 10 - 20 árum með inngöngu nýrra ríkja í sambandið.

28.11.09 12:48

Hannes

Gaman að sjá hrokan í mönnum, sérstaklega Jón Frímann sem virðist selja allt til að komast í ESB. Ég er ekkert á móti ESB en ahverju getum við ekki gert eins samband á milli Noregs, Grænlands og Færeyja?Kv. Pípari (í alvöru)

Til baka