Bakgrunnur








Velkomin(n) á
JonDan.is.

Notaðu gemsann
til að vafra
um vefinn.
Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is
Jón Daníelsson
Gráskeggur úr Hrútafirði
21.11.2010
| Senda | Senda á fésbók

Burt með eignarréttinn!

Nokkur meginmál eru í sviðsljósinu fyrir kosningar til stjórnlagaþings. Þar ber trúlega hæst þjóðareign auðlinda, þjóðaratkvæðagreiðslur, aðskilnað ríkis og kirkju, persónukjör og jöfnun atkvæðavægis. Önnur mál komast ekki á dagskrá og engu líkara en frambjóðendur hafi yfirleitt ekki einu sinni leitt hugann að þeim.

Einna mikilvægast slíkra mála er eignaréttarákvæðið í 72. grein stjórnarskrárinnar. Fátt, ef nokkuð, hefur reynst erfiðari þrándur í götu nauðsynlegra umbóta og aðgerða í kreppunni en þetta ákvæði. Samkvæmt þessu ákvæði er eignarrétturinn friðhelgur og óheimilt að gera eignir upptækar nema fullar bætur komi fyrir. Engu skiptir hvernig eignin er í upphafi tilkomin, né heldur á hverju verðmæti hennar er byggist.

Þegar taka þarf bújörð á höfuðborgarsvæðinu eignarnámi, er eigandinn þar með orðinn milljarðamæringur. Þegar land bónda norður í landi er tekið undir þjóðveg, eru honum ákvarðaðar svo lágar bætur að hann er oft verr settur eftir en áður.

Eignarhlutur venjulegs fólks í íbúð sinni gufar upp og getur jafnvel breyst í háa skuld án nokkurrar friðhelgi. Það finnur margt fólk á eigin skinni um þessar mundir. Nú síðast hóta prestar, umboðsmenn Guðs almáttugs, að gera ríkissjóð gjaldþrota í skjóli eignarréttarákvæðis stjórnarskrárinnar.

Það er ógerningur að kynna sér afstöðu allra frambjóðenda í smáatriðum, en ég hef þó hjá einum frambjóðanda fundið skynsamlegar vangaveltur um eignarréttarákvæðið. Á heimasíðu sinni (jorunnedda.is) segir Jórunn Edda Helgadóttir:

„Eignarétturinn var upphaflega hugsaður sem vörn almennings gegn ágangi ríkisvaldsins en honum hefur víðast hvar verið snúið upp í andhverfu sína og hann fyrst og fremst nýttur af auðvaldinu, og þá gegn almenningi. Í ljósi þess tel ég rétti hins almenna borgara til eigna sinna betur borgið undir annars konar ákvæðum, t.a.m. skýrari rétti til heimilis og einkalífs til þess að vernda heimilin.“

Þetta er kjarni málsins. Innheimta lánastofnana á stökkbreyttum lánum nýtur friðhelgi eignaréttar, en fólk sem fyrir örfáum árum átti kannski hálfa íbúð á móti bankanum, er réttlaust. Stjórnlagaþingið þarf að finna leið til að afnema þessa friðhelgi auðmagnsins, en vernda í staðinn eðlilegan eignarétt venjulegs fólks.

Að þessu leyti stend ég við fyrirsögnina. Burt með þennan rangláta eignarétt!




Til baka







X
Hafðu samband

Mitt nafn


Mitt netfang


Fyrirspurn




Talan í myndinni hér að ofan er





X
Senda


Nauðsynlegt er að fylla út reiti með feitletruðum titli.
Netfang móttakanda


Mitt nafn


Mitt netfang


Athugasemd / efni:





X
Fréttabréf

Nafn


Netfang




Fréttabréf í boði

Engin fréttabréf í boði.






Talan í myndinni hér að ofan er