Bakgrunnur








Velkomin(n) á
JonDan.is.

Notaðu gemsann
til að vafra
um vefinn.
Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is
Jón Daníelsson
Gráskeggur úr Hrútafirði
ágú.

14


2009
Íþróttir
63 eða 64?
Talan 63 vekur mér þunglyndi þessa dagana. Hún birtir ósjálfrátt í huga mér Alþingismenn, jafnt góða sem slæma, jafnt skynsama sem vitlausa og jafnt þá sem telja sig sitja í þjóðarþágu og hina sem líta á Alþingi sem viðkomustað á uppleið. Á móti koma 64 strákar, allir fæddir 1994, sem um þessa helgi eru staddir á Laugarvatni og ætla sér allir að ná inn í landslið í fótbolta.

Lái mér hver sem vill, þótt hugur minn flögri oftar að Laugarvatni en í Alþingishúsið. Þar fer nú fram svokallað ?Úrtökumót KSÍ?.  Af þeim 64 sem þar eru nú, verða líklega 30 valdir áfram og látnir æfa og keppa saman reglubundið í vetur. Í vor verður svo valið U17-landslið Íslands úr þeim hópi.

Tveir Þróttarar eru í þessum hópi: Simmi og Dagur (sýndir hér vonglaðir á mynd).

Þeir 34 sem ekki fá bréf í haust verða ugglaust fyrir vonbrigðum. Þó verða vonbrigði hinna sennilega enn sárari næsta vor ? þeirra sem þá verða skildir eftir og ná ekki alla leið. En þannig er þessi heimur.

Það er rétt hjá hagfræðingunum að samkeppnin er hörð ? en þeir hafa rangt fyrir sér að hinu leytinu. Samkeppninni lýkur nefnilega alltaf ? með sigri einhvers og tapi annars.

Þótt strákarnir sem nú eru á Laugarvatni keppi allir að því að komast í landsliðið, held ég að þeir verði  hjartanlega sammála um að halda með því landsliði sem að lokum verður valið. Mikið væri gaman ef sami mórall gilti á Alþingi.

En slík lífshamingja bíður sennilega síðari kynslóða.











X
Hafðu samband

Mitt nafn


Mitt netfang


Fyrirspurn




Talan í myndinni hér að ofan er





X
Senda


Nauðsynlegt er að fylla út reiti með feitletruðum titli.
Netfang móttakanda


Mitt nafn


Mitt netfang


Athugasemd / efni:





X
Fréttabréf

Nafn


Netfang




Fréttabréf í boði

Engin fréttabréf í boði.






Talan í myndinni hér að ofan er






X



Nauðsynlegt er að fylla út reiti með feitletruðum titli.
Nafn


Netfang


Blogg / Vefsíða


Athugasemd



Talan í myndinni hér að ofan er




Skrá athugasemd