Jón Dan - Eru ræningjarnir vopnaðir?

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

júl.

31

2009

Stjórnmál

Eru ræningjarnir vopnaðir?

Mér dettur helst í hug þessa stundina að íslensku útrásarræningjarnir hljóti að vera þungvopnaðir. Sé ekki í fljótu bragði aðra skýringu. Það er vissulega skiljanlegt að sérsveitarmönnum sé annt um líf sitt.

Fjórir smákrimmar sitja í gæsluvarðhaldi fyrir að svíkja skitnar 40-50 milljónir út úr Íbúðalánasjóði. Stórmál! Öll efnahagsbrotadeildin á fullu. Ég heyrði Bryndísi Schram halda því fram eftir 4-fréttir í dag að ástæðan fyrir varðhaldinu teldist sú að þeir gætu hugsanlega komið peningum undan ef þeir gengju lausir. Hún bar þetta saman við mörg þúsund milljarðana sem víkingarnir okkar stálu. Sel ekki dýrar en ég keypti. En húrra fyrir Bryndísi.

Ég leyfi mér að taka undir með henni. Er engin hætta á að alvöruþjófarnir komi ?sínum? peningum undan? Af hverju er svona erfitt að sanna stórþjófnað, en vandalaust að sanna smáþjófnað?

Af hverju ríkir engin bankaleynd hjá Íbúðalánasjóði?

Af hverju liggur fangelsisrefsing við því að birta upplýsingarnar sem Wikileaks.org birti í dag?

Skyldi kannski geta verið að þegar víkingasveitin er send vestur á firði til að afvopna stórhættulegan haglabyssumann, þá sveimi þyrlan í hringi, þar til nágrannarnir eru búnir að róa manninn og ganga úr skugga um hann sé örugglega óvopnaður? En þá er náttúrulega kjörið tækifæri fyrir æfingu.

Auðvitað er þetta rugl í mér. Svona, svona. Tökum þessu með ró. Sérsveitin hefur nóg fyrir stafni þessa dagana. Hún er að þvo burt rauða málningu af nokkrum afar mikilvægum húsum.

Til baka Efst á síðu

Skrá athugasemd