Jón Dan - Ek hefi vánd klæði ...

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

júl.

25

2009

Stjórnmál

Ek hefi vánd klæði ...

?Ek hefi vánd klæði ok hryggir mik eigi þótt ek slíta þeim eigi gerr,? sagði Ingjaldur í Hergilsey þegar honum var hótað lífláti ef hann segði ekki til Gísla Súrssonar. (Samræmd stafsetning forn er hér eftir minni.) Til upplýsingar yngra fólki mætti þýða þetta á nútíma íslensku: ?Þið getið auðvitað drepið mig ef þið viljið, en mér þykir skárri kostur að deyja, en að svíkja vin minn.? Og hvers vegna kemur mér Ingjaldur í hug?

Jú, það er vegna þess að hið svokallaða ?alþjóðasamfélag? virðist nú hafa sameinast um að hóta okkur Íslendingum öllu illu, ef við gerum ekki eins og okkur er fyrirskipað. Mér er nákvæmlega sama hvernig ráðherrar keppast við að halda því fram að ekkert samband sé milli IceSave og Evrópusambandsaðildar, eða milli þessa og hins yfirleitt. Það vita allir sem vilja vita að ef við kyngjum ekki þessum nauðungarsamningum, stendur til að setja okkur í frystiklefann, þar til við höfum séð að okkur.

Ég hef verið þeirrar skoðunar að við þurfum að semja um þetta mál. En ég er farinn að efast. Þetta mál snýst ekki lengur um samninga. Það snýst um heiður, æru og réttlæti.

Sturla Þórðarson segir frá því í Íslendingasögu sinni að þegar hann hafði rétt einu sinni verið í tapliðinu í orrustu og gekk út eftir að hafa verið lofað griðum, sá hann frænda sinn, Svarthöfða Dufgusson, þar sem hann lá sunnan undir vegg og bað sér griða ? ?ok heldr ákafliga? bætir Sturla við.

Öfugt við Ingjald í Hergilsey var Svarthöfði sem sagt reiðubúinn að gera hvað sem væri, til að fá að halda lífi.

Persónulega ber ég meiri virðingu fyrir Ingjaldi.

Til baka Efst á síðu

Skrá athugasemd

júl.

25

21:13

2009

Birgir Stefánsson

Sæll ver þú, gráskeggur Eg verð að segja að þessar líkingar þínar eru bara býsna góðar. Eg er þér alveg sammála, enda eigum við þeim mikið að þakka sem neituðu að skríða fyrir erlendu valdi. Eg hélt að við hefðum valið okkur til forystu fólk sem getur staðið í lappirnar. Allavega voru margir sem höfðu uppi nógu stór orð um annarra lydduskap og undirlægjuhátt. Heldur þykir mér lítið leggjast fyrir suma þessa kappa nú þegar á hólminn er komið.Vil benda þer á ágætan pistil Svavars prestshttp://svavaralfred.blog.is/blog/svavaralfred/Hann er oft góður.Annars var gaman að rekast á þig hér í bloggheimum, lítið vitað af þér síðan í Hjalteyrarskóla forðum.Beztu kveðjur frá AkureyriBiddi

júl.

26

09:53

2009

Jón Dan

Takk, Biddi. Hef heldur ekki heyrt mikið frá þér síðan í Hjalteyrarskóla forðum. En öfunda þig af þeim forréttindum að vera á Akureyri. Ég hef neyðst til að sætta mig við stóru flóttamannabúðirnar fyir sunnan síðustu 15 árin eða svo.Bý þó í nágrenni við Pétur frá Hofi - það er altént dálítil huggun.