Jón Dan - Penninn er máttugri en sverðið

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

júl.

18

2009

Stjórnmál

Penninn er máttugri en sverðið

Svo segir nokkuð gamalt orðatiltæki, reyndar sennilega komið úr ensku; ?The pen is mightier than the sword.? Og það hefur sannast svo um munar á Íslandi á síðustu árum.

Það kemur æ betur í ljós að íslensku útrásarvíkingarnir stóðu vel undir víkingaheitinu. Hinir fornu víkingar, sem við Íslendingar erum svo stolt af að eiga að forfeðrum, voru í rauninni ótíndir ræningjar, nauðgarar og morðingjar. Þeir beittu spjótum, öxum og sverðum og höfðu víða talsvert upp úr krafsinu, ekki síst á Bretlandseyjum.

Íslensku nútímavíkingarnir notuðu pennann sem sitt aðalvopn. Björgólfunum dugði að pára nafnið sitt á blað til að fá afhentan Landsbankann, sem þeir notuðu svo sem eins konar víkingaskip í hernaði sínum á Bretlandseyjum. Þar gengu þeir á land með penna að vopni og höfðu upp úr krafsinu miklu meiri ránsfeng en hinir fornu víkingar hefðu getað borið.

Og Bröðrene Wennerson fóru inn í Sjóvá með penna að vopni og tæmdu þar á undraskömmum tíma allar fjárhirslur. Óneitanlega hefði verið gaman að fylgjast með fréttum af ráninu, hefðu þeir bræðurnir birst í aðaldyrum Sjóvár með brugðið sverð í hendi.

Til baka Efst á síðu

Skrá athugasemd