Jón Dan - Stjórnmálaskoðun eða trú?

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

jún.

22

2009

Stjórnmál

Stjórnmálaskoðun eða trú?

Einstaka sinnum kemur fyrir að fólk sér ástæðu til að skrá athugasemdir við þessa bloggpistla mína. Mér þykir auðvitað bara vænt um það og ekki síst að yfirleitt er þetta gert undir fullu nafni. Ég varð svolítið hugsi yfir athugasemd Margrétar við bloggfærslu mína í gærkvöldi og kýs að svara henni með nýjum pistli fremur en viðbótarathugasemd.

Athugasemdin er svohljóðandi: ?Gott að sjá einn Samfylkingarmann vera tilbúinn til að opna hugann fyrir öðrum hugmyndum en bara einni. Það hlýtur að vera hægt að ná betri samningum!?

Margrét hefur alveg rétt fyrir sér þegar hún gengur einmitt út frá því að flokksbundið fólk fylgi flokksforystunni meira og minna í blindni gegnum þykkt og þunnt. Þetta er satt að segja held ég allt of algengt. En sjálfur geri ég mjög ákveðinn greinarmun á lífsskoðun og blindri trú á einhvern tiltekinn stjórnmálaflokk.

Ég er í Samfylkingunni vegna þess að ég er almennt fylgismaður jafnaðarstefnunnar. Það merkir hins vegar ekki að ég telji forystumenn flokksins óskeikula í öllum málum. Það er grundvallarstefnan sem ég er fylgjandi. Og í anda jafnaðarstefnunnar er ég t.d. fylgjandi flestu því sem núverandi ríkisstjórn er að gera. Ég vil miklu frekar ná peningum í ríkissjóð með hátekjuskatti og hærri fjármagnstekjuskatti en almennri skattahækkun.

Á hinn bóginn vil ég líka vera opinn fyrir góðum hugmyndum, sama hvaðan þær koma. Þannig líst mér t.d. afar vel á þá hugmynd Sjálfstæðismanna að ná 40 milljörðum í ríkissjóð með því að skattleggja lífeyrisgreiðslur fyrirfram, a.m.k. um tíma.

Þegar kemur að því máli sem ég fjallaði um hér í gærkvöldi, IceSave-samningunum, leyfi ég mér líka að vera ósammála ?mínum flokki?. Það er vegna þess að ég held að þetta séu bæði vondir samningar og hættulegir.

En ég er enginn trúmaður. Ég trúi hvorki á Guð né Samfylkinguna.

Til baka Efst á síðu

Skrá athugasemd