Jón Dan - Lögregla farin að drepa fólk á Íslandi

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

des.

02

2013

Almennt

Lögregla farin að drepa fólk á Íslandi

Það varð mikill harmleikur í Árbænum í morgun. Og greinilega líka mikill hasar. Enginn vafi leikur á því að byssumaðurinn skapaði nágrönnum og vefarendum mikla hættu. Og frá því sjónarmiði séð er mikil mildi að atburðurinn skyldi ekki kosta aðra lífið en hann sjálfan.

Þótt fyrstu fréttir séu óljósar, vakna strax í upphafi vissar spurningar varðandi framgöngu lögreglunnar. Var virkilega ekki hægt að leysa málið án þess að drepa manninn?

Þótt aðstæður sem þessar séu einsdæmi hérlendis, eru þær vel þekktar í nágrannalöndunum. Fyrstu viðbrögð lögreglu eiga að vera þau, að tryggja öryggi nágranna og girða af nægilega stórt svæði. Íbúar nærliggjandi húsa eru ýmist fluttir brott, eða allavega komið úr skotlínu t.d. fjarri gluggum.

Á vettvangi eiga ekki að vera aðrir en sérsveitarmenn og þeir sem eru utandyra þurfa að vera í skjóli, svo sem við húshorn eða á bak við bíla. Samkvæmt fréttum var reynt að svæla manninn út með táragasi og/eða reyksprengjum, en tókst ekki. Þetta er illskiljanlegt nema byssumaðurinn hafi verið með gasgrímu, eða þá að menn hafi ekki gefið sér neinn tíma til að bíða eftir að gasið yfirbugaði hann.

Yfirleitt ætti ekki að þurfa að beita skotvopnum, en verði ekki hjá því komist, ber að skjóta í útlimi til gera byssumanninn óvirkan. En niðurstaðan varð sú að maðurinn lést af skotsárum. Hann hefur sem sagt verið skotinn í bol, háls eða höfuð. Fram kom í kvöldfréttum útvarps að sérsveitarmenn hafi verið vopnaðir skammbyssum og hríðskotarifflum. Hríðskotarifflarnir vekja athygli. Var þeim kannski beitt?

Ýmsar spurningar sem sagt. Svörin komin koma vafalaust þegar málið verður rannsakað. Komi í ljós að unnt hefði verið ná manninum lifandi með betri vinnubrögðum, er bráðnauðsynlegt að sérsveitarmenn fái haldbetri kennslu og þjálfun.

Að skjóta fyrst og spyrja svo, er ekki aðferð sem við getum sætt okkur við.

Til baka Efst á síðu

Skrá athugasemd