Jón Dan - Tilgangslaust karp um flugvöll

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

mar.

22

2013

Almennt

Tilgangslaust karp um flugvöll

Enn einu sinni er nú farið að karpa um Reykjavíkurflugvöll. Þetta deilumál er orðið áratuga gamalt og átti kannski rétt á sér í upphafi, en nú er fyrirséð að það verður orðið úrelt áður en nokkuð gerist.

Ég held að menn ættu frekar að skoða fyrirsjáanlega tækniframfarir í flugi, en að velta sér áfram upp úr staðsetningu flugvalla. Verði ráðist í nýjan flugvöll á Hólmsheiði, gæti hann komist í gagnið svo sem 2025-30. Daginn sem ráðherrann klippir á borðann, sér hann blendingsþyrlu lenda á þaki Landspítalans og veltivængju með 90 farþega lenda lóðrétt við BSÍ.

Undanfarna áratugi hafa ekki aðeins mannlausar flugvélar verið í þróun og komist í gagnið. Þetta gildir líka um ýmsar gerðir loftfarartækja sem sameina þann stóra kost þyrlunnar að lyfta og lenda lóðrétt og þann kost hefðbundinna skrúfuvéla að fara hratt yfir.

Á veltivængjum eru hreyflarnir yst á vængjunum og þeim er snúið. Í flugtaki snúa þeir beint upp, en er síðan velt fram á við og þegar nægum hraða er náð snúa þeir beint fram. Fyrir lendingu er svo hægt á og hreyflunum snúið aftur til að lenda vélinni lóðrétt.

Bandaríski herinn er þegar farinn að nota veltivængjuna V-22 Osprey frá BellBoeing (á myndinni). Sú útgáfa rúmar 22 farþega, en á leiðinni er stærri gerð sem á að taka 90 farþega. Fleiri fyrirtæki, m.a. eitt ítalskt, eru líka að þróa slíkar vélar.

Þyrlur eru líka í örri framþróun. Hjá Sikorsky var ný gerð, kölluð X2, farsællega prófuð 2010. Þessi þyrla nær um tvöföldum, hefðbundum þyrluhraða og fer fyrst til Bandaríkjahers undir nafninu S-97 Raider. Hjá DARPA, rannsóknastofnun á vegum Bandaríkjahers, er unnið að blendingsþyrlu með vængjum og tveimur hefðbundnum hreyflum. Sjálfir þyrluspaðarnir verða aðeins notaðir við flugtak og lendingu en dregnir inn í eins konar aukavæng á hraðflugi.

Flestar slíkar nýjunga fara vissulega fyrst til hernaðar, en auðvitað kemur þessi tækni á almennan markað. Og það er ekki langt þangað til. Veltivængjur og mjög hraðfleygar þyrlur verða vafalaust dýrar til að byrja með. En það gæti samt orðið talsvert hagkvæmara að leggja fé í nýjar gerðir flugvéla, en í nýjan flugvöll, sem fyrirsjáanlega verður óþarfur.

Til gamans bendi ég hér á nýja veltivængju ítalska fyrirtæksins Augusta Westland.

Til baka Efst á síðu

Skrá athugasemd

mar.

22

17:57

2013

Baldur

Osprey er óheillakráka en sannarlega enginn haukur: http://en.wikipedia.org/wiki/Accidents_and_incidents_involving_the_V-22_Osprey

mar.

22

23:12

2013

Jón Dan

Vissulega var þetta lengi "óheillakráka".Ég held að það hafi tekið heil 20 ár að leysa stærstu vandamálin. En nú eru þessi vandamál leyst og árið 2025 hygg ég að veltivængjur annist allt innanlandsflug á Íslandi.