Bakgrunnur








Velkomin(n) á
JonDan.is.

Notaðu gemsann
til að vafra
um vefinn.
Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is
Jón Daníelsson
Gráskeggur úr Hrútafirði
jún.

13


2012
Stjórnmál
Hættið þessu væli
Það er löngu kominn tími til að forsvarsmenn ríkisstjórnarinnar og meirihlutans á Alþingi hætti þessu eilífa væli um að stjórnarandstaðan haldi málum í gíslingu. Stjórnarandstaðan getur nefnilega ekki haldið málum í gíslingu lengur en stjórnarmeirihlutinn leyfir. Hvort heldur forseti þingsins eða 9 þingmenn geta krafist þess að umræðum um tiltekið mál verði hætt og gengið til atkvæða.

Það var orðið ljóst fyrir mörgum vikum að stærsti hluti stjórnarandstöðunnar ætlar hvorki að sætta sig við breytingar á stjórn fiskveiða, né að útgerðarmenn greiði sanngjarnt afgjald fyrir einkarétt sinn til fiskveiða. Þessir þingmenn munu standa áfram í ræðustól þingsins alveg fram að næstu kosningum, nema málæði þeirra verði stöðvað. Og það er sem sagt hægt, eins og Mörður Árnason nefndi í dag.

Lýðræðið byggist einfaldlega á því að meirihlutinn ráði. Auðvitað væri æskilegra að hægt væri að afgreiða mál í sem bestri sátt. Gallinn er bara sá, að þegar taka á stórgróða frá auðmönnum, neita þeir að sætta sig við það. Slíkt verður því ekki gert með neinum silkihönskum.

Að vísu er til betri leið til að knýja fram úrslit í stórum málum, en að láta afl þingmeirihlutans ráða. Sú leið felst í því að leggja málin í hendur þjóðarinnar í almennri atkvæðagreiðslu. Svo vill til að fyrir Alþingi liggur þingsályktunartillaga frá Ólínu Þorvarðardóttur og fleirum, sem felur í sér að þjóðin fái að kjósa um meginlínur varðandi stjórn fiskveiða. Þá tillögu ætti að samþykkja í hvelli.

En veiðigjöld þarf að byrja að innheimta strax í haust. Þess vegna á stjórnarmeirihlutinn án frekari tafa að stöðva málþófið um veiðigjaldafrumvarpið strax og gera það að lögum.

Ég gæti meira að segja vel trúað að stjórnarmeirihlutinn fengi prik fyrir það hjá þjóðinni. Alþingi nýtur nú engrar virðingar. öllu fremur hafa flestir Íslendingar skömm á þinginu sínu – einmitt vegna þess að þar líðst fólki að blaðra mánuðum saman um ekki neitt á fullu kaupi.











X
Hafðu samband

Mitt nafn


Mitt netfang


Fyrirspurn




Talan í myndinni hér að ofan er





X
Senda


Nauðsynlegt er að fylla út reiti með feitletruðum titli.
Netfang móttakanda


Mitt nafn


Mitt netfang


Athugasemd / efni:





X
Fréttabréf

Nafn


Netfang




Fréttabréf í boði

Engin fréttabréf í boði.






Talan í myndinni hér að ofan er






X



Nauðsynlegt er að fylla út reiti með feitletruðum titli.
Nafn


Netfang


Blogg / Vefsíða


Athugasemd



Talan í myndinni hér að ofan er




Skrá athugasemd