Jón Dan - Allt of augljóst

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

feb.

28

2012

Stjórnmál

Allt of augljóst

Ekki löngu fyrir áramót, þegar allir biðu spenntir eftir nýársávarpi Ólafs Ragnars Grímssonar, heyrði ég haft eftir einum stuðningsmanna hans, að næsta öruggt væri að hann færi í framboð í vor. Boðleiðin frá stuðningsmanninum í mín eyru var ekki lengri en svo, að ég tel heimildina nokkuð trausta.

Nú er endanlega komið á hreint hvers konar leikfléttu menn voru að vefa þarna fyrir áramótin. Flestum virtist yfirlýsing forsetans á nýársdag alveg afdráttarlaus, en Ólafur Þ. Harðarson stjórnmálafræðiprófessor var þó strax í kvöldfréttum búinn að sjá í gegnum plottið. Forsetinn hafði skilið eftir ofurlitla glufu sem nægði til að safna áskorunum.

Ég hef um ævina, því miður, ekki komist hjá að kynnast pólitískum plottum. Slík plott geta verið ærið mismunandi, en þau eiga það alltaf sameiginlegt að vera ógeðfelld.

Þetta plott hefur þann tilgang að tryggja Ólafi Ragnari Grímssyni fimmta kjörtímabilið á Bessastöðum. Ég dreg ekki í efa að byrlarar þessa seyðis hafi hugleitt aðferðina vandlega og gefið gaum að fleiri og einfaldari kostum. Og í einfaldari kostir voru í boði.

Forsetinn hefði í nýársávarpinu getað lýst því yfir að hann hygðist sækjast eftir endurkjöri á grundvelli fjölda áskorana og vegna þeirra óvissutíma sem embættið gengur nú gegnum, eins og hann lýsti svo ljómandi vel í gær. Hann hefði líka getað sagt afdráttarlaust að hann hygðist hætta. Undirskriftasöfnunin hefði samt verið möguleg og forsetinn hefði svo sem getað skipt um skoðun.

En „glufufléttan“ varð fyrir valinu. Hún hafði augljósa kosti. Með þessu móti tókst að koma í veg fyrir að aðrir frambjóðendur stigju fram á sviðið og þegar endanleg framboðsyfirlýsing kemur loks frá Ólafi Ragnari í byrjun mars, hefur tekist að skapa honum gott forskot.

Glufufléttan hefur hins vegar þann stóra galla að vera allt of augljós. Í gær kom endanlega í ljós að forsetinn meinti ekkert með því, sem hann sagði í nýársávarpinu. Hann var þá þegar búinn að taka stefnuna á fimmta kjörtímabilið, þótt hann segði annað.

Ég hef verið stuðningsmaður Ólafs Ragnars, en þeim stuðningi er nú lokið. Út af fyrir sig eru 16 ár í embætti alveg nógu langur tími, en þar við bætist að hér er á ferðinni pólitískt plott af verstu sort. Og það þykir mér ljótur leikur.

Til baka Efst á síðu

Skrá athugasemd