Jón Dan - Enn um Tryggva Þór ? og nú um rökin

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

mar.

30

2009

Stjórnmál

Enn um Tryggva Þór ? og nú um rökin

Tryggvi Þór Herbertsson hefur nú gert sér þá fyrirhöfn að smíða nokkuð ýtarlegt plagg til að rökstyðja tillögur sínar um 20% niðurfellingu skulda. Ég gerði mér þá fyrirhöfn í gærkvöldi að lesa plaggið. En því miður stendur sú sannfæring mín nokkuð óhögguð að þetta sé of gott til að geta verið satt.

Það eina í þessu plaggi sem sýnist nokkurn veginn óvitlaust er sú röksemd að almenn aðgerð af þessu tagi sé fljótvirk og fækki til muna því fólki sem þarf á sértækum aðgerðum að halda

Það er mat Seðlabankans að aðgerðin kosti um 285 milljarða króna, að því er íbúðalán varðar, en alls nema íbúðalán landsmanna um 1.430 milljörðum. Tryggvi Þór segir um 500 milljarða af þessari upphæð vera lán, tekin hjá bönkunum og segir þau hafa verið færð yfir í nýju bankana með ?allt að? 15% afföllum. Hann vill nú láta Íbúðalánasjóð kaupa þessi lán.

Það er ekki flókið að reikna út að 15% af 500 milljörðum eru 75 milljarðar. Það þýðir einfaldlega að til að afskrifa 20% af öllum íbúðalánum þarf 210 milljarða til viðbótar. Þar með hefur Tryggvi sjálfur slegið út af borðinu þá upphaflegu fullyrðingu sína að aðgerðin kosti ekki neitt.

Sé það rétt mat hjá Tryggva að þjóðarbúið hafi þarna fengið til eins konar ráðstöfunar um 75 milljarða, sem út af fyrir sig gæti látið nærri, er auðvitað eðlilegt að þessu fé verði ráðstafað til að lækka höfuðstól húsnæðislána, en svigrúm fyrir flatan niðurskurð er því miður ekkert. Til að þessir 75 milljarðar gagnist fólki sem nú þarf á hjálp að halda, þarf þvert á móti að vanda sig og horfa í hverja krónu.

Til baka Efst á síðu

Skrá athugasemd