Jón Dan - Rógsherferðin hafin

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

mar.

29

2009

Stjórnmál

Rógsherferðin hafin

Í gær fengum við smjörþefinn af vinnubrögðum Sjálfstæðisflokksins í stjórnarandstöðu. Sjálfstæðismenn binda sig ekki á klafa neinnar siðfræði. Svo réttbornir halda þeir að þeir séu til valda að þeir svífast einskis. Málefnaleg umræða er aukaatriði. Persónulegt níð og rógur standa gjarnan í forgrunni. Smjörþefinn fengum við í gær.

Davíð Oddsson líkti Jóhönnu Sigurðardóttur við ?álf út úr hól? og hnykkti á með því að segja að hún liti út ?dálítið eins og álfur út hól?. Össur Skarphéðinsson og Björgvin G. Sigurðsson sagði Davíð svo ?mígleka? að ekki hefði þótt gerlegt að hafa þá viðstadda þegar Davíð var að gefa ráðherrum sínar frægu viðvaranir.

Og varaformaðurinn, Þorgerður Katrín Gunnarsdóttir, dró upp Skattmannshugtakið sem rykfallið hefur alla tíð frá því að Sjálfstæðisflokkurinn var síðast í stjórnarandstöðu. Þá var þetta hugtak notað sem persónuníð gegn Ólafi Ragnari Grímssyni og nú á að nota það á sama hátt gegn Steingrími J. Sigfússyni. Þessa sömu ræðu notaði varaformaðurinn svo vel að merkja til að kvarta sáran undan því að ósmekklega hefði verið fjallað um fjármál eiginmanns síns.

Nú, þegar allt stefnir í að Sjálfstæðisflokkurinn verði að sætta sig við það hlutskipti sem honum er þungbærast af öllu, nefnilega það að fá ekki að ráða, megum við aftur eiga von á persónulegu níði og rógi sem íslensk stjórnmál hafa mestu verið blessunarlega laus við í nærri tvo áratugi ? sem sagt síðan Sjálfstæðisflokkurinn var síðast í stjórnarandstöðu.

Ráðherrum næstu ríkisstjórnar má ráðleggja að brynja sig vel. Það verður miklum skít ausið yfir þá á næsta kjörtímabili.

Til baka Efst á síðu

Skrá athugasemd