Jón Dan - Að endurskrifa söguna

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

ágú.

20

2010

Almennt, Stjórnmál

Að endurskrifa söguna

Meðal blogga kvöldsins vekur það helst athygli mína að Illugi Jökulsson vill láta fjarlægja styttuna af ?landráðamanninum? Kristjáni kóngi IX. sem stendur framan við gamla tugthúsið þar sem nú er stjórnarráð Íslands.

Fordæmin eru fjölmörg. Styttur af Stalín eru t.d. að mestu horfnar í Austur-Evrópu. Snyrtilegast væri auðvitað að fá hingað bandarískan her með stórvirkar vinnuvélar og filma atburðinn. Þá gætum við í framtíðinni borið þennan atburð saman við frelsun Íraks, þar sem aðalatriðið er einmitt stórvirkar bandarískar vinnuvélar sem fella stóra styttu af Saddam ? og fjöldinn fagnar.

Áður en það komst fyrir alvöru í tísku að fella og fjarlægja styttur, reyndu menn sitt ítrasta til að breyta mannkynssögunni með því að brenna óvelkomnar bækur.

Tilgangurinn er svipaður. Kristján IX. ríkti aldrei yfir Íslandi. Sjáðu bara. Hann er horfinn. Hann skipti aldrei máli. Rétt eins og styttan hafi aldrei verið reist.

Rétt eins og allir hafi alltaf vitað að þetta var "landráðamaður".

Hafðu mig afsakaðan, Illugi, en ég vil láta styttuna standa.

Við getum svo ráðið hvernig við skiljum þessa styttu. Kannski er þetta ekki lengur kóngur með ?frelsisskrá úr föðurhendi?, heldur allt í einu ?landráðamaður?. Við getum þá farið þarna með hundana okkar og leyft þeim að míga utan í styttuna, jafnvel gert það sjálfir svo lítið beri á.

Það breytir engu til eða frá að flytja styttur eða mölva þær.

Reyndar er ekki svo að skilja að við getum ekki breytt sögunni. Það er bara forsagan sem ekki er lengur á okkar valdi.

Framtíðin er óskrifuð.

Til baka Efst á síðu

Skrá athugasemd