Jón Dan - Hvað tefur lífeyrissjóðina?

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

júl.

27

2010

Stjórnmál

Hvað tefur lífeyrissjóðina?

Af hverju stafar tregða lífeyrissjóðanna við að fjárfesta í fyrirtækjum sem greinilega eru vel arðbær til lengri tíma, svo sem HS Orku? Sennilega er ógerningur að benda á nokkra fjárfestingu sem er þjóðhagslega hagvæmari. Samt tregðast stjórnir lífeyrissjóðanna við. Hvers vegna?

Lífeyrissjóðirnir eru eign þeirra launamanna, sem þar safna hluta launa sinna til elliáranna. Að vísu á ríkissjóður hér líka dálítinn hlut og fær hann greiddan í formi tekjuskatts af lífeyrinum jafnóðum og hann er greiddur út.

En fyrirtækin sem greiða laun, eða samtök þeirra, eiga hér ekki krónu. Vissulega heitir það svo að atvinnurekendur greiði tvo þriðju á móti þriðjungi launamannsins, en þeir peningar falla einfaldlega undir launakostnað, rétt eins og orlofspeningar, desemberuppbót og ýmislegt fleira.

Samt tilnefna atvinnurekendur helming stjórnarmanna og hafa þar með fullkomið neitunarvald í stjórnum lífeyrissjóðanna. Þetta arfavitlausa fyrirkomulag er arfur frá stofnun sjóðanna. Lífeyrissjóðirnir urðu upphaflega til í kjarasamningum og atvinnurekendur gátu auðvitað ekki hugsað sér að samtök launafólks hefðu yfirráð yfir peningum án þess þeir fengju sjálfir að hafa puttana í pyngjunni.

Stjórnmálaviðhorf hafa víðar áhrif en á Alþingi og í sveitarstjórnum. Einkavæðingarsinnarnir frá SA sitja nú í stjórnum lífeyrissjóða og taka ekki í mál að bjarga auðlindum úr klóm braskara. Á hinn bóginn kæmi mér ekki á óvart þótt þeir væru tilbúnir að fjárfesta í Magma Energy.

Stjórnir lífeyrissjóðanna voru reiðubúnar að braska með ellilífeyri landsmanna og kaupa stóra hluti í hrunbönkunum og öðrum ámóta hringlandi vitlausum svikamyllum. Þótt sjóðirnir hafi tapað talsvert á þeirri ?fjárfestingu? er ekki eins og þeir séu þurrausnir. Mér finnst fyllilega raunhæft að þeir fjárfesti nú í verkefnum sem eru mjög greinilega þjóðhagslega hagkvæm til lengri tíma litið. HS Orka er slíkt verkefni.

En sennilega þurfum við fyrst að losa okkur við fulltrúa atvinnurekenda úr stjórnum sjóðanna. Það má auðveldlega gera með lögum ? og reyndar fyrir löngu kominn tími til.

Til baka Efst á síðu

Skrá athugasemd

júl.

27

22:41

2010

Lífeyrissjóður er lífeyrissjóður, en ekki einhver peningahít !!!

Þú getur haft áhrif í þínum lífeyrissjóð, en láttu minn lífeyrissjóð í friði !!!

Það eru svona frekju sendingar , frá misvönduðu fólki , sem lífeyrissjóðir eiga að varast !!!

Eyðilegðu bara þinn lífeyrissjóð !!!

júl.

27

23:04

2010

Sævar Helgason

Tek undir með þér varðandi setu atvinnurekenda í lífeyrissjóðunum. Sjóðirnir eru einkaeign launamanna sem í þá hafa sett sparnað sinn. Sjóðirnir koma atvinnurekendum ekkert við. Iðgjöldi eru frá launþegum sem hluti launa.
Fyllilega tímabært að setja lög um þessu lútandi.