Jón Dan - Jóhanna kann ensku og Albert reykir

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

mar.

30

2010

Stjórnmál

Jóhanna kann ensku og Albert reykir

Jóhanna Sigurðardóttir talar reiprennandi ensku. Albert Jónsson reykir og brettir stundum upp ermarnar . Össur Skarphéðinsson getur verið dyntóttur. Í fljótu bragði virðist þetta vera bitastæðast í bandarísku leyniskýrslunum sem WikiLeaks birti í gær. Þar er þó fleira, sumt heldur kátlegt, annað alvarlegra, en ekkert sem koma þarf á óvart.

Af öllum leyniskýrslum sem gera má ráð fyrir að varðveittar séu í bandaríska utanríkisráðuneytinu, eru skýrslur sem þessar líklega saklausastar. Tilgangurinn er augljóslega sá, að diplómatar og ráðamenn geti fyrirfram gert sér nokkra hugmynd um persónleika, skapgerð og bakgrunn þessa fólks. Það er vafalaust ágætur undirbúningur fyrir hvers kyns samskipti. Og ekki kæmi mér á óvart þótt einhvers konar samsvarandi skýrslur séu til í íslenska utanríkisráðuneytinu.

Almennt fá þremenningarnir fremur lofsamleg ummæli. Jóhanna er sögð dugnaðarforkur sem taki starf sitt alvarlega. Albert getur orðið viðskotaillur þegar honum þykir Íslendingar ekki meðhöndlaðir sem jafningjar. Össur er talinn glaðlyndur maður sem ekki taki sjálfan sig allt of hátíðlega og kjósi að ræða mál áður en hann tekur ákvarðanir.

Fyrir íslenskan almenning eru það ný tíðindi að Albert Jónsson skuli hafa hjálpað bandarískum diplómötum við að gera sem minnst úr fangaflugi CIA um Ísland, eftir að hafa prívat og persónulega mótmælt svörum Bandaríkjamanna um málið og talið þau ófullnægjandi.

Annars er það eiginlega furðulegt ? en hreint ekki óþekkt - ofurálit Bandaríkjamanna á sjálfum sér, sem helst vekur athygli. Hneykslunartónninn skín greinilega í gegn þar sem því að lýst að Össur Skarphéðinsson taki iðulega dramatískar ákvarðanir í utanríkismálum og sumar þeirra stríði beinlínis gegn stefnu Bandaríkjanna. Sem dæmi um slíka ósvífni er tiltekið að Össur hafi neitað að hitta ísraelskan ráðherra sem í fyrravetur var á ferð í Evrópu til að ?útskýra afstöðu Ísralesmanna? til fjöldamorðanna á Gaza.

Maður verður eiginlega bara stoltur af utanríkisráðherranum sínum.

Til baka Efst á síðu

Skrá athugasemd