Jón Dan - Hólmsteinsmiðlarnir

JonDan.is

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

des.

16

2009

Almennt, Stjórnmál

Hólmsteinsmiðlarnir

Baugsmiðlarnir svonefndu hafa verið alræmdir á Íslandi mörg undanfarin ár. Nýverið komst upp að hér er rekin önnur ámóta ill fjölmiðlasamsteypa, nefnilega Hreinsmiðlarnir, kenndir við Hrein Loftsson. Meðal Hreinsmiðlanna má nefna þjóðhættuleg tímarit á borð við Hús og híbýli og Séð og heyrt og svo auðvitað DV, en nú hefur nýverið komist upp að þar starfar lélegur blaðamaður.

Ljósið í myrkrinu er hins vegar þriðja samsteypan, Hólmsteinsmiðlarnir, sem lúta andlegri yfirburðaleiðsögn hins mikla, virta og ástsæla leiðtoga, Hannesar Hólmsteins Gissurarsonar.

Þrír helstu Hólmsteinsmiðlarnir eru Morgunblaðið, Skjár einn og veftímaritið AMX. Meðal Hólmsteinsmiðla má svo líka nefna hina virtu heimasíðu XD.is þar sem m.a. má lesa þennan djúpvitra sannleika:

?Undanfarin 18 ár hafa orðið miklar breytingar í íslensku samfélagi, sem er nú orðið opnara og frjálsara en áður. Kjör almennings í landinu hafa batnað mikið á þessu tímabili, kaupmáttur aukist verulega og atvinnuleysi verið með því minnsta sem þekkist í heiminum.?

En með tilkomu nýrrar, vondrar vinstrihaftastjórnar hefur þessu öllu verið snúið á haus. Atvinnuleysi er skyndilega komið upp úr öllu valdi og frelsi að mestu afnumið. Svo illa er komið fyrir þjóðinni að stjórnvöld hafa bannað með öllu hinar vinsælu gjaldeyrisferðir til paradísareyjarinnar Tortólu. Íslenskir frelsisunnendur fá ekki einu sinni lengur að stofna nýja innlánsreikninga í útlöndum, en svonefndir Icesave-reikningar skiluðu Íslendingum einmitt hvað mestum peningum á frelsistímabilinu mikla.

Stak-Steinar nefnist einn beittasti leigupenni Hólmsteinsfjölmiðlanna. Í Morgunblaðinu í dag vekur hann athygli á að í aðdraganda borgarstjórnarkosninga í vor, fari nú dagvaxandi ?áhugi fréttastofu RÚV á því sem kunni að vera aflaga í borginni og kenna megi núverandi meirihluta borgarstjórnar um.?

Og ég sem hef staðið í þeirri meiningu að fréttastofa RÚV væri nokkuð hlutlaus í umfjöllun. En ég hef greinilega haft rangt fyrir mér. Þennan Pálsmiðil þarf að leggja niður strax eins og t.d. Þjóðhagsstofnun á sínum tíma. Þá voru við völd Hólmsteinsmenn sem höfðu bein í nefinu.

Til baka Efst á síðu

Skrá athugasemd

des.

16

15:51

2009

Baldur Kristjánsson

Frábær, sannkallaður Jónsmiðill!

des.

16

17:44

2009

bubbi

tek undir Frábær Jónsmiðill

des.

16

17:50

2009

stefán benediktsson

Drjúgur hópur Sjálfstæðismanna trúir því að afleiðingar hrunsins séu lítilfjörlegar en núverandi ríkisstjórn sé að keyra allt norður og niður með "gífurlegum"órökstuddum "skattahækkunum". Vandræði okkar séu ekki hrunið eins og einn komst að orði heldur ríkisstjórnin.

des.

17

00:52

2009

Jón Dan

Jú, furðu margir virðast trúa því að hægt sé að leysa öll vandamál með því að smella fingrum - og botna ekkert í Jóhönnu og Steingrími að þau skuli ekki bara smella puttunum.

Annars er gaman að því hve Sjálfstæðismenn eru ákafir í því að horfa bara "fram á veginn" og bölsótast út í alla sem vilja skoða rústirnar og reyna að læra eitthvað af því sem gerðist.