Bakgrunnur








Velkomin(n) á
JonDan.is.

Notaðu gemsann
til að vafra
um vefinn.
Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is
Jón Daníelsson
Gráskeggur úr Hrútafirði
des.

08


2009
Almennt, Stjórnmál
Byggjum ódýrt fangelsi
Að undanförnu hefur blessunarlega fjölgað fréttum sem benda til að slatti af útrásarkrimmunum verði dæmdir á endanum. Það kallar á nýtt fangelsi, en vegna þess að einmitt þessir menn eru búnir að eyða öllum peningunum okkar höfum við ekki efni á nema mjög ódýru fangelsi fyrir þá.

Það er misskilningur að bygging fangelsis þurfi endilega að vera dýr framkvæmd. Jafnvel óvíst að þetta þyrfti að kosta ríkissjóð svo mikið sem eina einustu krónu. Ég geri ráð fyrir margt fólk sé reiðubúið að láta dálítið samskotafé af hendi rakna til að byggja yfir þessa menn. Þeir peningar gætu dugað fyrir efniskostnaði. Og ekki er ólíklegt að margir atvinnuleysingjar væru til í að byggja fangelsið í sjálfboðavinnu.

Ein steinsteypt húsalengja með 33 klefum og gangi fyrir framan ætti að duga. Rafmagnsljós þurfa auðvitað að vera á ganginum, en í klefunum er það óþarfa munaður. Þar inni dugar að setja upp klósett og vask og svo má kannski rausnast til að hafa dýnu á gólfinu.

Ég tel alveg nægjanlegt að hafa eina sameiginlega sturtu fyrir fangana og útisturta er að mörgu leyti heppileg lausn. Þannig gætu fangarnir samnýtt svo sem hálftíma daglega útvist og eðlilegt hreinlæti.

Utan um allt saman þyrfti svo að setja rafmagnsgirðingu með nægilega öflugum straum til að telja þeim föngum hughvarf sem kynnu að láta sér detta í hug að flýja.

Fangelsið þyrfti ekki að vera dýrt í rekstri. Hjá mörgum matvöruverslunum mætti vafalaust fá ókeypis matvæli sem kominn væru dálítið fram yfir síðasta söludag.

Það er heldur ekki fráleitt að hugsa sér að fangaverði megi ráða af atvinnuleysisskrá. Þar er mjög trúlega að finna fólk sem hefur sérstaka löngun til að fá að umgangast þessa menn daglega, jafnvel fyrir sáralítil laun.











X
Hafðu samband

Mitt nafn


Mitt netfang


Fyrirspurn




Talan í myndinni hér að ofan er





X
Senda


Nauðsynlegt er að fylla út reiti með feitletruðum titli.
Netfang móttakanda


Mitt nafn


Mitt netfang


Athugasemd / efni:





X
Fréttabréf

Nafn


Netfang




Fréttabréf í boði

Engin fréttabréf í boði.






Talan í myndinni hér að ofan er






X



Nauðsynlegt er að fylla út reiti með feitletruðum titli.
Nafn


Netfang


Blogg / Vefsíða


Athugasemd



Talan í myndinni hér að ofan er




Skrá athugasemd