Jón Dan - Mætti reyna að ná skárri samningi

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

nóv.

30

2009

Stjórnmál

Mætti reyna að ná skárri samningi

Nú er í tvígang búið að semja við Breta og Hollendinga um Icesave og þótt seinni samningurinn sé auðvitað slæmur, virðist hann þó eitthvað skárri en sá fyrri. Kannski mætti reyna að gera þriðju atlöguna að þessum ?vinaþjóðum? og sjá hvort við fengjum ekki út úr því bara sæmilega viðunandi samning og þyrftum jafnvel ekki að borga neitt.

Þessa dagana halda stjórnarandstæðingar margar og langar ræður á Alþingi um ræfildóm og undirlægjuhátt ríkisstjórnarinnar. Það verður ekki hjá því komist að álykta að þeir telji sig geta gert betur.

Mér þykir eðlilegt að taka stjórnarandstöðuna á orðinu. Ríkisstjórnin á að skipa nýja samninganefnd og senda hana til Bretlands og Hollands. Mér þykir rétt að þetta verði svokölluð ?tvíhöfðanefnd? undir leiðsögn Bjarna Benediktssonar og Sigmundar Davíðs Gunnlaugssonar. Til viðbótar þykir mér eðlilegt að Margrét Tryggvadóttir verði skipuð í nefndina, auk þess sem Samfylkingin og VG gætu kannski fengið að eiga áheyrnarfulltrúa.

Mér þykir einsýnt að þessi nefnd hljóti að ná gríðargóðum árangri og komi fljótlega heim með nýjan samning sem jafnvel gæti falið í sér að Bretar og Hollendingar taki að sér að borga þennan tittlingaskít fyrir okkur, eða þá að lágmarki að við fáum kúlulán til 100 ára með veði í kúlunni sjálfri og helst neikvæðum vöxtum sem t.d. gætu verið svo sem mínus 1% á ári.

Mikið yrði ég feginn slíkum málalokum. Og ætli Jóhanna og Steingrímur yrðu ekki bara sæmilega sátt líka.

Til baka Efst á síðu

Skrá athugasemd