Jón Dan - Skerið endilega niður ? bara ekki mig!

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

okt.

23

2009

Stjórnmál

Skerið endilega niður ? bara ekki mig!

Allir virðast sammála um að hraustlega þurfi að skera niður ríkisútgjöld, en samtímis upphefst grátur og gnístran tanna í hverju horni. Varla er til sá forstöðumaður á vegum ríkisins sem ekki rís upp, styður sig titrandi fram á grátstafinn og mótmælir því harðlega að skorið verði niður hjá sér.

Það er þó ekki þannig að niðurskurðarhnífnum verði beitt einum og sér. Ríkisstjórnin vill líka hækka skatta á fólk sem hefur hærri tekjur og bæta við nýjum skattstofnum, m.a. byrja að taka pínulitla leigu fyrir afnot af helstu auðlindum í eigu þjóðarinnar ? auðlindum sem hingað til hefur verið úthlutað ókeypis til þeirra sem voru í náðinni.

Og þar rís nú líka upp hver hagsmunagæslumaðurinn á fætur öðrum. Þessir menn láta sér reyndar ekki nægja að styðja sig við grátstafinn, heldur sveifla honum ógnandi í kringum sig. Hóta hikstalaust að atvinnulífið fari allt á hausinn ef stórgróðafyrirtækin fái ekki að menga að vild án þess að borga fyrir eða útvaldir sægræfar fái ekki að halda áfram að ganga í sjávarauðlindina án endurgjalds.

Frekjan ríður ekki við einteyming, var sagt hér í gamla daga. Og mér sýnist það lítið hafa breyst. Þrátt fyrir þau áföll sem hafa riðið yfir þetta samfélag er enn til fólk sem á nóg af peningum og getur vel borgað. Einmitt þetta sama fólk hrópar nú á torgum og heimtar að vera látið í friði með aurana sína.

Og hér er kannski kominn heppilegur mælikvarði fyrir Alþingi, þegar að því kemur að gera breytingar á fjárlagafrumvarpi næsta árs. Takið þá sem hæst væla og skattleggið þá sérstaklega. Þeir eiga peninga.

Til baka Efst á síðu

Skrá athugasemd