Jón Dan - Hvað um þá sem geta borgað?

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

sep.

29

2009

Stjórnmál

Hvað um þá sem geta borgað?

Af fréttum að dæma virðist sem ekki muni þurfa að sækja sérstaklega um þá lækkun greiðslubyrði sem Árni Páll Árnason félagsmálaráðherra boðar. Ég á reyndar bágt með að trúa þessu, en verði þetta raunin, er ærin ástæða til að vara það fólk við, sem hreint ekki er í neinum vandræðum.

Það er vissulega fín lausn til bráðabirgða að lækka greiðslubyrðina niður í það, sem hún var fyrir hrun. Þessi aðgerð bjargar vafalaust fjöldamörgum, sem nú ná ekki endum saman eða eiga erfitt með það. Hitt getur líka staðist að kaupmáttur launa eigi eftir að hækka svo mikið að sveiflan á íbúðalánunum jafnist út á kannski 20-30 árum.

Engu að síður er staðreyndin sú að lækkun afborgana bætist við höfuðstól lánsins. Fyrir þá fjölmörgu sem ekki hafa orðið fyrir neinum meiri háttar skakkaföllum og geta nokkuð auðveldlega staðið í skilum, er þetta ekki fýsilegur kostur.

Nú eru íbúðalán að vísu tvenns konar: Myntkörfulán og lán í verðtryggðum krónum. Myntkörfulánin hafa reyndar hækkað svo geigvænlega að fólk sem þau tók, er trúlega flest allt komið í stór vandræði og því enginn annar kostur en að þiggja lækkun afborgana.

Fyrir þá sem án erfiðleika geta staðið í skilum með ?gömlu góðu? verðtryggðu lánin er miklu hagkvæmara að halda afborgunum óbreyttum og þeir sem eru svo vel settir að geta lagt eitthvað til hliðar, ættu meira að segja að ganga lengra og greiða aukalega inn á höfuðstólinn mánaðarlega. Traustari eða betri ávöxtunarleið fyrir sparifé er örugglega vandfundin.

Það segir Ingólfur H. Ingólfsson á spara.is og ég trúi honum.

Til baka Efst á síðu

Skrá athugasemd