Jón Dan - Árni Páll sýnir á spilin

Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is

Blogg Greinasafn Myndir

Hver er maðurinn Fyrir mitt minni Minningabrot Af öðrum toga Fjölskyldufréttir/Fami...

Jón Daníelsson
Gráskeggur úr Hrútafirði

sep.

28

2009

Stjórnmál

Árni Páll sýnir á spilin

Hugmyndir félagsmálaráðherra eru nú að skýrast dálítið. Afborganir af lánum eiga að miðast við einhverja dagsetningu í maí 2008. Höfuðstólnum verður þó ekki haggað í bili. Það fylgir sögunni að lánstími eigi allavega ekki að lengjast mikið og eftirstöðvar verði á endanum afskrifaðar.

Eins og ég nefndi í pistli hér á laugardagskvöldið, er lækkuð greiðslubyrði ein og sér auðvitað talsverður léttir fyrir marga ? í bili. Þetta er þannig skref í rétta átt. Hitt er svo öllum ljóst að skrefin þurfa að verða fleiri, en eins og nú er ástatt held ég að við verðum að virða ríkisstjórninni það til vorkunnar þótt aðeins eitt skref sé stigið í einu.

Ýmsir bloggarar hafa réttilega bent á það í dag að misvægið sem nú myndast óhjákvæmilega milli greiðslubyrði og höfuðstólsins ? sem vísitalan heldur jú áfram að keyra upp ? hneppi fólk í eins konar skuldafangelsi. Það getur vissulega búið áfram í íbúðunum, en t.d. barnafjölskyldur sem þurfa að stækka við sig, geta ekki selt. Með þessu fyrirkomulagi eru skilnaðir eiginlega bannaðir. Og fleira má telja.

Við slíkt fyrirkomulag er auðvitað óbúandi til lengdar. Þess vegna er óhjákvæmilegt að teknar verði ákvarðanir um afskriftir áður en mjög langt um líður. Það verður væntanlega næsta skref. Áður en að því kemur þarf þó vafalaust að koma betur í ljós hvaða svigrúm er til þess og hvernig það verður best nýtt.

Einum tilteknum hópi skuldara gæti þessi aðgerð ein og sér þó nýst alveg prýðilega vel. Þetta er fólkið sem tók myntkörfulán til bílakaupa. Þessi lán eru nefnilega ekki til mjög margra ára. Lánstíminn gæti því runnið út meðan mikið er eftir af höfuðstólnum og eftirstöðvarnar þá væntanlega afskrifaðar.

Að vísu virðist gert ráð fyrir að hægt sé að framlengja greiðslutímann eitthvað, en í þessum tilvikum er hæpið að ímynda sér að það verði meira en hálft eða kannski í mesta lagi heilt ár. Bílalánafólkið gæti sem sagt mögulega séð fram úr vandanum.

Til baka Efst á síðu

Skrá athugasemd

sep.

29

00:32

2009

Anna Benkvic Mikaelsdóttir

Vextir og höfuðstóll skiptu mestu máli þegar ég bjóí DK og Hollandi? Skil ekki Ísland, þótt ég sé fædd og uppalin hér, hefur mér aldrei tekist að safna hér aur?PS: kom með DK kr. þegar ég keypti hér...en nú skulda ég voða mikið???...og hreinlega skil ekki af hverju?

sep.

29

01:38

2009

Tryggvi

Ef það fæst opinber viðurkenning á því að verðtrygging sé eignaupptaka er hækt að horfa til framtíðar.Þeir sem tala með verðtryggingu tala jafnvel um verðhjöðnun sem raunverulegt fyrirbæri, skyldu þeir trúa því sjálfir að það eru alltaf einhverjar hörmungar einhverstaðar í hinum stóra heimi sem leiða til þess að litla krúttlega krónan okkar verður smærri lánin stærri og eignirnar verðminni