Bakgrunnur








Velkomin(n) á
JonDan.is.

Notaðu gemsann
til að vafra
um vefinn.
Höfundur er meiraprófsbifreiðastjóri að mennt og á að baki glæsta framtíð í þeirri atvinnugrein.

Hann hefur ennfremur verið hákarlasjómaður, kennari, kokkur á togara, skólastjóri, svínafitubræðslumaður, blaðamaður, ritstjóri, sauðamaður, bókavörður, strætóbílstjóri, þýðandi, bóndi, framkvæmdastjóri, auglýsingasali, múrari og leigubílstjóri svo nokkuð sé nefnt.

Aðeins einu sinni hefur höfundinum borist atvinnuuppsögn. Hún var munnleg og með þriggja daga eftirvara.

Höfundurinn hefur nú loksins náð tilskildum aldri til að geta lokað ferilskránni með titlinum „Opinber starfsmaður án vinnuskyldu".

JonDan.is
Jón Daníelsson
Gráskeggur úr Hrútafirði
maí

22


2012
Stjórnmál
Níu þingmenn duga
Í 64. grein núgildandi laga um þingsköp Alþingis eru m.a. þessi ákvæði:

„Forseti getur stungið upp á að umræðum sé hætt og einnig getur forseti lagt til, hvort heldur í byrjun umræðu eða síðar, að umræðum um mál skuli lokið að liðnum ákveðnum tíma. Eigi má þó, meðan nokkur þingmaður kveður sér hljóðs, takmarka ræðutíma við nokkra umræðu svo að hún standi skemur en þrjár klukkustundir alls. Tillögur forseta skulu umræðulaust bornar undir atkvæði og ræður afl atkvæða úrslitum.“

Og

„Sömuleiðis geta níu þingmenn krafist þess að greidd séu atkvæði um það umræðulaust hvort umræðu skuli lokið, umræðutími eða ræðutími hvers þingmanns takmarkaður.“

Fjölmörg mál bíða raunverulegra umræðna og afgreiðslu á þingi og það er ekki sæmandi að tefja þingstörfin með málþófi til að að koma í veg fyrir afgreiðslu máls, sem vitað er að nýtur stuðnings meirihluta þingmanna. Þegar einstakir þingmenn eru komnir í 11 ræður í sama máli, er augljóst að efnislegri umræðu er löngu lokið og ekkert eftir nema merkingarlaus kjaftavaðall.

Þá er komið nóg og forseti þingsins á að taka í taumana. Fundarstjóri á átakafundi í venjulegum félagasamtökum væri löngu búinn að loka mælendaskrá. Úrslit mála eiga að ráðast af afli atkvæða. Það er grundvallaratriði lýðræðis.

Að öðrum kosti þarf ekki nema 9 þingmenn til að stöðva þennan kjaftavaðal. Ef 9 þingmenn taka af skarið og krefjast þess að „umræðu skuli lokið“, kæmi mér ekki á óvart að það yrði þeim til verulegs álitsauka.











X
Hafðu samband

Mitt nafn


Mitt netfang


Fyrirspurn




Talan í myndinni hér að ofan er





X
Senda


Nauðsynlegt er að fylla út reiti með feitletruðum titli.
Netfang móttakanda


Mitt nafn


Mitt netfang


Athugasemd / efni:





X
Fréttabréf

Nafn


Netfang




Fréttabréf í boði

Engin fréttabréf í boði.






Talan í myndinni hér að ofan er






X



Nauðsynlegt er að fylla út reiti með feitletruðum titli.
Nafn


Netfang


Blogg / Vefsíða


Athugasemd



Talan í myndinni hér að ofan er




Skrá athugasemd